Main Ab Sonay Say Darta Hoon!!!!

Kaha Tha Na!

K sotay hoye mat chor k jana

Mujhe be-shak jaga daina

Bata Daina

Tmhen raasta badalna hay

Meri hadd say nikalna hay

Tmhen kis baat ka drr tha

Tmhen janay nahi daita

Kahin pay qaid kr laita

Aray  Pagal!!!!

Muhabbat ki tbiyat me

Zabrdasti nahi hoti

jisay raasta badalna ho

Usay raasta badalnay say

Jisay hadd say nikalna ho

Usay hadd say nikalnay say

Na koi rok paya hay

Na koi rok paye ga

Tmhen kis baat ka drr tha

Mujhe be-shak jaga daitay

Main tm ko daikh he laita

Tmhen koi dua daita

Km az km youn to na hota

Meray saathi ye haqiqat hay

Tmharay baad khonay k liye

Kuch bhi nahi baaqi

Magr khonay say darta hun

"Main Ab Sonay Say Darta Hun"