Vo bhi kya log the asan thi rahen jin ki

Vo bhi kya log the asan thi rahen jin ki
Band aaNkhen kiye ik simt chale jate the
Aql-o-dil Khuwab-o-haqiqat ki na uljhan na Khalish
MuKhtalif jalve nigahon ko na behlati the

Narm rau waqt ke dhare pe safine the ravaN
Saahil-o-bahr ke aa_in na badalate the kabhii
Na Khudaon pe bharosa tha muqaddar pe yaqin
Chadar-e-aab se tufan na ubalate the kabhi

Ham ke tufanon ke paale bhi sataye bhi hain
Barq-o-baraN me vohe shamen jalayen kaise
Ye jo aatish_kadaa duniya me bharak uTha hai
AaNsuon se use har baar bujhaen kaise

Kar diya barq-o-buKharaat ne mahashar barpa
Apane daftar men litafat ke siva kuch bhi nahi
Ghir gaye Waqt ki beraham kashakash men magar
Pas tahazib ki daulat ke siva kuch bhi nahi

Ye andhera ye talatum ye havaon ka Kharosh
Is ma taron ki subuk narm ziya kya karati
TalKhi-e-zist se karva hua ashiq ka mizaaj
Nigah-e-yar ki masum adaa kya karati